КЕҢ ДҮНЬЯҒА ҚУШАҚ АШҚАН ЖАЗЫЎШЫ
Qaraqalpaq xaliq jaziwshisi To’lepbergen Qaypbergenov
ХХ әсир ҳәм ҳәзирги Ғәрезсизлик дәўири қарақалпақ әдебияты ҳаққында сөз еткенимизде, биринши гезекте Ибрайым Юсупов ҳәм Төлепберген Қайыпбергеновлардың исмин мақтаныш пенен тилге аламыз. Себеби, олардың бири (И.Юсупов) әдебият деген үлкен бағдың поэзия шынары болса, екиншиси (Т.Қайыпбергенов), мәңги булақ – Поэзия пегасы И.Юсуповтың Бердақ, Әжиниязлар жаратқан, А.Дабыловлар бүлбил қондырған поэзия бағының бул бүлбилин пүткил әлемге пәрўаз етип ушырғанындай, Т.Қайыпбергенов та Н.Дәўқараев, С.Мәжитов, Ә.Шамуратов, М.Дәрибаевлар дәслепки нәллерин қадаған, Ж.Аймурзаев, А.Бегимов, Ө.Айтжановлар усы нәллерден нарт шығартқан проза дарағын үлкен бийик нәрўан етип жетилистирип, оның бойы сынын пүткил жәҳәнге танытыўға салмақлы үлес қосқан, ел-халқының тәғдири ушын қара үйден кең дүньяға қушақ ашқан, анығырағы, жол салған кәрўан басы, тайнапыр тулға – проза шынары болып табылады.